BAGUIO CITY – Temporaryo a maiparikep manen ti agsumbangir a paset ti Session Road inton bigat, aldaw ti Domingo, December 6 manipod iti alas-6 ti agsapa aginga alas-7 ti rabii.
Maibasar iti Executive Order No. 178, series of 2020 nga impaulog ni Mayor Benjamin Magalong, daytoy ket para iti panakaisayangkat ti Trade Fair nga idauluan ti Department of Trade and Industry-Cordillera.
Panggep daytoy a masuportaran dagiti Small and Medium Enterprise businesses ken dagiti local agri-merchant associations iti siudad ti Baguio.
Maiwaras met ti adu a pulis sadiay Session Road iti nasao nga aldaw.
Sigun ken ni Police Lt. Col. Oliver Panabang, dadaulo ti Traffic Enforcement Unit ti Baguio City Police Office, bantayan dagiti pulis ti panangsurot dagiti umili kadagiti minimum health protocols.
