--Ads--
Naireklamo ti agtawen iti 19 a cashier ti maysa a kadakkelan a grocery iti siudad ti Baguio ken munisipyo ti La trinidad.
Daytoy ket kalpasan a maatap a nagtakaw iti kuarta manipud iti cash drawer daytoy.
Maibasar iti report, naduktalan a namin dua a daras a nagtakaw ti suspek a nangrugi paylaeng iti Pebrero 2026.
Nadlaw daytoy ti accounting assistant idi nag-inventory daytoy kadagiti koleksyon.
Napaneknekan metlaeng ti inaramid ti suspek babaen iti CCTV footage.
Iti kamaudian a report manipud iti kapulisan, maisagsaganan dagiti kaskenan a dokumento para iti pannakaipila ti kaso kontra iti suspek.//via Bombo Noveh Organo
