Naitaray ti maysa nga agtawen iti 48 nga ama kalpasan a nadangran iti napasamak nga uram idiay Queen of Angels, Lourdes Proper, Baguio city idi Biernes, Mayo 01.
Sigun kadagiti otoridad, naospital daytoy gapu iti smoke inhalation ken residue ti fire extinguisher.
Napasamak ti uram iti pasado 5:48 p.m ken naideklara a fire out iti 5:59 p.m.
Iti initial a report ti BFP-Baguio, naireport ti insidente babaen iti kagawad ti barangay a kaaruba dagiti biktima.
Maibasar metlaeng iti inisial a report, maysa a pamilya a buklen ti dua nga indibidual ti agnanaed iti nauram a kuarto.
Iti pannakiuman ti Bombo Radyo iti anak ti biktima, kinunana a posible a nagrugi ti uram iti extension wire.
Karaman kadagiti nauram dagiti libro, photo albums, sapatos ken dadduma pay.
Kabayatanna, awan ti tao iti uneg ti kuarto idi napasamak ti insidente.
Iti agdama, manarimaan paylaebg ti imbestigasyon dagit kameng ti BFP-Baguio iti rason ti napasamak nga uram.// Bombo Noveh Organo
