Sumangsango iti kaso a frustrated murder ti agtawen iti 53 a lalaki, kalpasan a pinadasna a puoran ti asawana ket ti bukodna a bagi sadiay Laguna.
Sigun kadagiti otoridad, manarimaan ti turog ti biktima nga agtawen iti 44 idi nariknana ti likido a naibukbok iti bagina.
Nariing daytoy ken nakitana ti asawana a ni Ramil a nakaiggem iti lighter.
Sinindian daytoy ni Ramil bayat ti panangarakupna kenkuana iti pagtaenganda sadiay Barangay Marinig, Cabuyao City idi Huebes, Agosto 21.
Napardas a nagsaknap ti apoy iti bagi ti biktima, gapu iti dayta timmaray iti comfort room tapno iddepenna ti apoy.
Sigun kadagiti otoridad, nasaksian ti kabsat ti suspek ti insidente isu’t gapuna a dagus a binukbokanna iti danum ni “Ramil” sakbay a nagpatulong kadagiti opisial ti barangay.
Naitaray iti ospital dagiti agasawa ken saanen a naipaay ti impormasion seknan iti kasasaad dagitoy.
Manarimaan ita ti imbestigasion dagiti orotidad seknan iti napasamak nga insidente.
