BAGUIO-Impannakel ni PMaj. Rommel Sawatang, dadaulo iti Itogon Municipal Police Station iti agtultuloy a panagbaba iti krimen a mailislistada sadiay
manipud nangrugi iti Enhanced Community(ECQ) agingga ita nga manarimaan iti panakaipatungpal iti Modified General Community Quarantine(MGCQ).
Iti panakiuman ti Bombo Radyo kenkuana,kinunana nga bimmaba iti crime rate da sadiay sipud nangrugi iti covid-19 pandemic ditoy pagilian.
Nupay kasta kinunana nga adda dagiti mailislistada nga crime incident ngem minimal laeng dagitoy kas kuma iti intoxication of liqour, petty crimes, ken daduma pay a nalalag-an a kaso.
Inlawlawagna nga dagiti nakemmeg a wanted person sadiay ket nabayagen a kaso ken saan nga umili iti nasao nga munispyo.
Innayunna nga napasamak dagiti krimen iti nabayag a panawen ngem tatta da lang nga makemmeg dagitoy ken ti daduma ket saan a napasamak sadiay nu diket nagturong laeng dagiti nakemmeg a suspek sadiay.
Mainaig iti daytoy, kinunana nga nainget latta iti panangipatungpalda iti liqour ban sadiay nu sadinu addan dagiti nakumpiskarda nga kinarkaton nga arak ken nakasuan metten dagiti sumagmamano nga umili sadiay nga aglaklako iti arak.
Maipalagip nga nakakumpiskar dagiti iti 40 a karton iti arak wennu pakabuklan a 960 a botelya ti arak ti kinumpiskar ti Itogon PNP iti implementasyon ti liqour ban kabayatan ti maipatpatungpal a community quarantine iti nasao a munisipyo nu sadinu naaramat dagitoy nga arak para iti disinfection iti municipal grounds dagitoy.flor//
