--Ads--
BAGUIO CITY – Al-allukuyen ti Baguio City Market Authority dagiti vendors iti merkado a makipaset iti rat catching challenge.
Sigun kenni Market Superintendent Fernando Ragma Jr., agtultuloy latta ti rat catching challenge iti merkado.
Kinunana nga arigna awanen dagiti makipaspaset iti pasalip ken no maminsan ket lima laengen nga utot ti maiturturong iti opisinada bayat a no dadduma ket awan a pulos ti maiturong kadakuada.
Nupay kasta, kinunana nga obligado ti amin a vendors nga agaramat iti mouse trap kadagiti puestoda tapno maparmek dagiti utot.
Patien ni Ragma a naksayan dagiti utot iti merkado gapu iti pannakaipatungpal ti rat catching challenge a sigud nga aktibo a pinasetan dagiti vendors.
