Nagkessayen dagiti lokal a gobierno kadagiti aktibidadda kasaruno iti direktiba manipod iti Department of the Interior and Local Government a mangisayangkat iti panagtipid ken nasayaat a panaggastos gapu iti nangato a presio iti krudo.
Impablaak iti lokal a gobierno iti Tabuk City a makessayan dagiti aktibidad para iti Matagoan Festival inton Hunio tapno makatipid iti pondo.
Manipod iti orihinal a listaan, nakanselar dagiti sumagmamano a dadakkel a programa karaman ti Miss Tabuk 2026.
Agtuloy met latta dagiti aktibidad nga inorganisar dagiti pribado a grupo ken sponsor, kasta metten dagiti aktibidad a makaala iti kita wenno pammastrekan ken nababa iti gastos.
Karaman ditoy ti Food Bazaar manipod Hunyo 1 agingga 30, Tree Planting Activity inton Hunio 5, PRC mobile services inton Hunio 10, passport releasing inton Hunio 11, Matagoan Bike Fest at Bloodletting Activity inton Hunio 13, Matagoan Job and Skills Fair inton Hunio 17, Matagoan Marathon inton Hunio 20, ken dagiti programa nga anibersario inton Hunio 22.
Malaksid iti Tabuk City, impablaak metlaeng ti munisipyu ti Tanudan ti simple a panagrambak.
Sigun iti lokal a munisipyu, kanselado ti Mayor’s Cup 2026, bayat a pagkaykaysaen iti maymaysa a programa ti Tanudan Day ken ti Kape Festival inton Hunio 25.
Idi Marso, nangriuar ni President Ferdinand Marcos Jr. iti Memorandum Circular No. 114 a mangibilin kadagiti ahensia iti gobierno a mangipatungpal kadagiti addang iti panagtipid iti enerhiya gapu iti agtultuloy a panagngato iti presio iti krudo gapu iti geopolitical tension idiay Middle East.
