--Ads--
Agladladinget ita ti industriya ti showbiz iti ipupusay ti maysa kadagiti respetado nga aktor a ni Ricky Davao wenno Frederick Charles Davao iti pudpudno a biag.
Pimmusay ti aktor iti edadna nga innem a pulo ket tallo.
Idi napan a tawen ket naipadamag a nadiagnose ti aktor iti terminal illness ngem saan a naiwaragawag iti publiko.
Daytoy metten ti maibagbaga a rason iti ipupusay ti aktor.
Ni Ricky Davao ket sigud nga asawa ti aktres a ni Jackie Lou Blanco, ket naaddaan dagitoy iti tallo nga annak a da Kenneth, Arabella, ken Rikki Mae.
Kabsat metlaeng daytoy ti aktor a ni Bing Davao ken anak ti pimmusay a beterano nga aktor a ni Charlie Davao.
