Saan nga inatendaran ni suspended Bamban, Tarlac Mayor Alice Guo ti panagdenggeg ita nga aldaw, Mierkules.
Sigun iti abogado ni Guo, saan nga immatendar daytoy gapu ta agsaksakit ken makapaspasar ti stress.
Gapu iti dayta, impetteng ni Senate Committee on Women, Children, Family Relations, and Gender Equality Risa Hontiveros a para iti proseso ti nasao a komite, masapol a maulit ti panakaipaay ti subpoena wenno ti pormal nga imbitasyon para iti panagatendar ni Guo iti nasao a panagdengngeg.
Malaksid iti suspdendido a mayor, naipaayan metlaeng ti subpoena dagiti maatap a pamilya daytoy pakairamanan da Lin Wen Yi, Guo Jian Zhong, Sheila Guo, Siemen Leal, ken Wesley Leal.
Maipalagip a matingtingiting ti kaso ni Guo a maatap nga adda pakainaiganna ti iligal nga operasyon ti Philippine Offshore Gaming Operators(POGO) Zun Yuan Technology idiay Bamban, Tarlac.
