Maur-uray laengin ti maipaiyulog a warrant of arrest kontra iti adda iti likudan iti natakaw nga alkansya idiay Betag, La Trinidad, Benguet itay laeng nabiit.
Ti suspect ket addaan iti ligal nga edad, awanan iti asawa ken iti agdama ket agnanaed idiay Upper Tomay, La Trinidad, Benguet.
Maibasar iti imbestigasyon iti kapulisan, nadlaw ti biktima a nalukatan ti kandado iti silidna idi simmangpet daytoy manipod iti trabahona nu sadino, adda paylaeng ti naaramat a susi iti nasao a kandado.
Kasaruno dayta, dagus a sinukimat ti biktima ti silidna nu sadino,natakwatanna nga awanen ti alkanysa daytoy a naglaon iti agarop Php20,000.
Nupay kasta,naduktalan babaen iti CCTV footage nga inaramat ti suspect ti susi a nakadulin iti ngatwen ti ruangan iti silid ti biktima rason a nakastrek daytoy.
Sumagmamano laeng a minutos kalpasan a simrek ti suspect iti nasao a silid ket rimwar daytoy imet ti maysa nga ecobag a mapapati a naglaon iti mapukpukaw nga alkansya.
Agparparang met nga agam-ammo ti suspect ken ti biktima a saanen a nainaganan nu sadino, siguden a makaskastrek ti suspect iti pagnanaedan ti biktima isut gapuna a posible a kanbisadonan ti gandatna a takawen.
Gapu iti dayta, pinilaan ti biktima ti suspect iti kaskenan a kaso nga iti agdama ket manarimaan a maiprosproseso.//Bombo Noveh Organo
