NEW YORK, USA – Maysa nga American conservationist ken naturalist ti nangibinglay iti kapadasanna seknan iti panagpakanna iti 20-foot giant snake Anaconda para iti maysa nga episode ti Discovery channel idi tawen 2014 idiay Estados Unidos.
Iti maysa nga interview, inlawlawag ni Paul Rosolie a saan a nakarikna ti panagbuteng gapu ta nakasagana ti nasao a channel idi inalaanda daytoy ti video.
Kinunana pay a nakasagana ti ambulansiya, doktor ken daduma pay a production staff iti kanito nga adda ti saan a manamnama a mapasamak.
Malaksid iti dayta, imbinglay ni Paul ti kapadasaanna met iti nasabatna a 14-foot anaconda bayat ti panagbirokna ti uleg nga aramatenna kuma para iti TV special nu sadino ti nasao nga uleg ket agresibo ken nalaing daytoy.
Inladawan pay ni Paul a pulgada laengen ti kaadayona manipud iti uleg sakbay a bumtak ti rib cage daytoy ngem imbag laengen ta inispal daytoy ti mentorna a miyembro metlaeng ti indigenous people.
Nupay kasta, kinuna ni PAul a siguradoenna pay reliable ti team daytoy sakbay nga aramidenna manen ti kapada a challenge.
