Naikkat iti pwesto dagiti uppat a pulo ket siyam a police officers ti Bamban, Tarlac Municipal Police Station kagiddan ti manarimaan nga imbestigasyon iti naraid a Philippine Offshore Gaming Operator iti nasao a munisipyo.
Sigun kenni Philippine National Police spokesperson Police Colonel Jean Fajardo, sinukatan pailaeng dagitoy dagiti baro a police personnel manipud iti Regional Mobile Force Battalion 3 ken kadagiti asideg nga istasyon ti pulisya.
Dinakamat ni Fajardo a dagiti naikkat a pulis ket naiyakar iti personnel holding and accounting unit ken maipasidongda iti reformation program.
Immunan a sinuspendir ti Office of the Ombudsman ni Bamban Mayor Alice Guo ken dagiti dua pay a local government officials iti agingga innem a bulan.
Kasaruno daytoy ti maatap a pakainnaiganda iti operasyon ti Philippine Offshore Gaming Operator idiay Bamban, Tarlac.
