--Ads--
BAGUIO CITY – Nagsapatan kas kabarbaro a miembro ti Baguio City Council ni Francisco Roberto “Pacoy” Ortega VI a kasukat ti pimmusay nga amana a daydi Councilor ken retired police Colonel Roberto “Bobby” Ortega.
Indauluan ni City Mayor Mauricio Domogan ti panagsapata ni Ortega ken imbasa ti Department of the Interior and Local Government ti appointment letter ti Malakaniang para kenkuana.
Timmabuno met laeng iti oathtaking ceremony idi kalman ti pamilya ni Ortega ken dagiti padana a konsehal.
Maipalagip a pinirmaan ni Presidente Rodrigo Duterte ti dokumento a mangpaneknek a kwalipikado ti 29-year-old criminology graduate nga agtugaw kas miembro ti konseho ti Baguio City babaen iti ‘rule of succession’.
