Kabaelam kadi met ka-bombo a mangipila iti kaso kontra iti nanang mo gapu laeng iti bassit a banag?
Ammo yo kadi a maysa nga anak ti nangipila iti reklamo kontra iti nanangna gapu iti panangibellengna iti manga comics collection daytoy?
Idiay Taiwan, nangipila ti 20-anyos nga anak iti reklamo kontra ti nanangna a ni Chien kalpasan nga imbellengna ti 34-volume manga comics a napauluan iti Attack on Titan.
Sigun kenni Chien, nagunget daytoy gapu iti kinaadu ti comics collection ti anakna ken agkaiwara metlaeng daytoy.
Naobserbaranna a maam-amag ti kopya ti nasao a lirbo rason a nagdesisyon daytoy nga ibellengna tapno lumawa ti espasyo ti pagtaengan dagitoy.
Nupay kasta, saanna nga impakada iti anakna gapu iti daytoy ket nakaunget rason a nabaelanna a nangipila iti reklamo.
Nangipila daytoy iti reklamo iti korte no sadino kinunana nga nadadael ti personal property daytoy nga awan iti consent.
Gapu iti daytoy, na-indict ni Chen gapu iti destruction of property kas maibasar iti Criminal Code idiay Taiwan.
Malaksid iti dayta, nagbayad pay daytoy iti NT$5,000 wenno PHP8,778.73 kas danyos gapu iti dinadaelna.
Iti agdama, saan pay a nagkinnaawatan dagiti agina gapu laeng iti nasao a banag.
