BAGUIO CITY – Kalpasan ti sangapulo ket maysa a tawen, nagun-od metlaeng ni Atty. Ruth Dangpit Lalio ti tarigagayna nga agbalin kas naan-anay nga abogado.
Daytoy ket kalpasan a naiwaragawag a maysa ti naganna kadagiti rinibribu nga examinees a pimmasa iti 2024 bar examination.
Iti interview ti Bombo Radyo, imbinglay ni Atty. Ruth Dangpit Lalio a tallo a daras a napaay daytoy a pumasa iti kina-abogado idi nakipaset daytoy iti bar exam idi 2013, 2014 ken 2015.
Gapu iti daytoy, kinasapulanna nga agala iti refresher course tapno maka-exam manen iti maikappat a gundaway.
Kalpasan ti sangapulo a tawen, nag-exam manen ni Atty. Lalio iti bar exam ita a tawen nu sadino saanen a napaay gapu ta pimmasan daytoy.
“Overwhelmed kasi for 11 years three times take so its very overwhelming and thanks God for giving me this opportunity.”
Mamati ni Atty. Lalio nga ita a gundaway ti intuding ti namarsua a panggun-odanna iti araapna nga agbalin kas naan-anay nga abogado.
“I believe in God that he is giving me opportunity to learn more. Baka mayroon pa siyang gustong gawin ko. Minsan kasi pag 1st time mo magtake, parang very arrogant ka so I think God is teaching us also to be humble and I think this is the right time.”
Imbinglayna met a saan a nagbalin a nalaka dagiti kapadasanna sakbay a nagun-odna ti balligi.
“You have to do time management sa review and work so that you cannot compromise also giving service to your client. Aside from that, financial aspect also and mental health lalo na noong pandemic.”
Ni Atty. Ruth Lalio ket anak ti mannalon manipud Cotcot, Bangao, Buguias, Benguet.
Sangapulo dagitoy nga agkakabsat ken isuna ti maikalima ken kaunaan nga abogado iti pamilyada.
Agtrabtrabaho daytoy kas Administrative Officer iti Benguet State University ken awan pay ti planona a mangi-aplikar iti kina-abogadona gapu ta makimukom daytoy iti trabahona.
Nangipaay met daytoy iti mensahe kadagiti agar-arapaap nga agbalin nga abogado a saan pay a pimmasa iti bar examination.
“Pray hard, kasi kung iyan yung ibibigay sayo ng Diyos then I think it is the time. Iyong sabi nga nila, we are all lawyers but kung kailan ibibigay yung period, so take the exam with the guidance of God, pray more.”
WATCH THE FULL INTERVIEW: https://fb.watch/wt30pjdQ9c/
