Saan pay a mapaspasaran ti panagandap iti Munsipyo iti Atok ita a bulan ti Nobyembre.
Iti panakiuman ti Bombo Radyo kenni Atok Vice Mayor Angelito Galao, kinunana nga awan pay ti naobserbaran a panagandap iti baet a lumamlamiisen ti tiempo iti nasao a munsipyo.
Sigun kenkuana, nalabit nga inton bulan paylaeng iti Disyembre wenno Enero a posible a mapasaran daytoy.
Iti sabali a bangir, imbinglay ni Galao a maysa a pagparparikutan dagiti mannalon ti panagdalapos dagiti bagyo.
Innayonna a dagiti residente iti abagatan a paset ti nasao a munisipyo partikular idiay Topdac, Caliking, Poblacion, Abiang, Naguey, ken Pasdong ti kangrunaan a naapektaran nu sadino, nadadael ti mula dagitoy a sayote gapu iti napigsa nga angin.
Malaksid iti dayta, nadadael met dagiti kaimulmula a nateng dagiti agnanaed iti amianan a paset ti Atok pakairamanan iti Paoay.
Iti baet dayta, impetteng ti nasao nga opisyal nga adda ti ipaay dagiti nagduduma nga ahensya a tulong kadagiti mannalon a nadadaelan iti mula gapu iti panagdalapus ti bagyo.//Bombo Genzel Depayso
