Naadaan iti panagsinungbat iti nagbaetan da Batangas Representatives Leandro Leviste ken Ryan Recto iti plenaryo ti Kamara itay laeng nabiit.
Iti gamin bitla wenno mensahe ni Leviste, impaganetgetna ti maatap a koneksyon ni Executive Secretary Ralph Recto kenni Construction Workers Solidarity Rep. Edwin Gardiola seknan iti naanomalyaan a ‘flood control projects’.
Indagadag pay daytoy ti opisina ti presidente nga imbestigaranda ti maatap a konekasyonda ken ti posible korapsyon nga araramiden dagitoy.
Dagos met a simmungbat ditoy ni Representative Ryan Recto no sadino dinepensaanna ti ama na kontra iti nasao nga akusasyon.
Innayon daytoy a ti koneksyon ti ama na ken ni Representative Gardiola ket ‘purely professional’.
Kinuwestionaranna pay ti motibo ken basaran ni Leviste seknan iti nasao nga isyu.
Dagos met a simmungbat ni Representative Leviste no sadino impettengna a mabalin a maawagan iti maysa a panagdengngeg dagiti kakadua dagitoy a Batangeno tapno isuda mismo ti mangisalaysalay iti mapaspasamak iti lugar dagitoy.
Nangitunda iti tensyon iti Kamara ti panasinungbat dagiti dua a mammanday-linteg, mangipakpakita iti posible a tensyon iti baro a henerasyon dagiti mammanday-linteg manipud Batangas. //bombokaren.c.s
