BOKOD, BENGUET- Agtultuloy ti programa ti munisipyo ti Bokod, Benguet para iti mental health.
Iti pannakiuman ti Bombo Radyo kenni Mayor Erik Donn Igancio, kinunana nga agtultuloy ti panagwanawanda kadagiti inbidual nga addaan iti kaso ti mental illness, phycological illness ken dadduma pay.
Inkari ti Mayor nga paingetanda ti monitoring, tapno masigurado nga agtumar dagiti addaan iti mental illness iti agas a nai-prescribe kadakuada.
Kabayatanna, inaklon ti opisial a nagpokosda iti physical illnesses kadagiti napalpalabas a tawen gapu iti kinakurang dagiti doktor a mangipaay iti balakad seknan kadagiti indibidual nga addaan iti mental illness.
Innayona pay a marigatanda nga agaramid iti programa maipapan iti daytoy, gapu iti kinakorang dagiti eksperto a mangipaay iti balakad.
Gapu iti dayta, ad-adalenda ti addang a mangkombinser kadagiti tao nga agkiddaw iti tulong kadagiti psychiatrist.
Malaksid iti dayta, pampenggependa nga iyapila kadagiti maseknan nga otoridad a maaddaan iti physcologist ti probinsia ti Benguet—no saan a kabaelan iti tunggal munisipyo
Sigun iti Mayor, narigat nga agaramid iti programa nga awan ti background agsipudta, posible a mangitunda pay daytoy iti pannakadangran kadagiti addaan iti mental health illness.//mp4
