Naipatungpal ti annual host communities’ forum ti renewable energy provider nga SN Aboitiz Power-Benguet (SNAP-Benguet) sadiay Itogon, Benguet idi Nobyembre baente sais iti agdama a tawen.
Daytoy ket addaan iti tema a “Redefining Corporate Social Responsibility (CSR) in the Age of Sustainable Development.”
Iti nasao a forum, nagurnong dagiti pito pulo a participants manipud kadagiti local government units ken indigenous people’s organizations (IPOs) iti probinsya ti Benguet.
Para ita a tawen, dagiti nagbalin nga speakers ket panakiraman da Mr. June O. Bayeng, Agricultural Technologist manipud iti Office of Agriculture ken Aboitiz Equity Ventures Chief Reputation and Sustainability Officer Ana Margarita Hontiveros a nagtalantan maipapan kadagiti pillars ti Aboitiz Group a kas iti people, jobs ken climate action.
Impeksa met ni SNAP Group President ken Chief Executive Officer (CEO) Joseph Yu ti kinapateg ti sustainable development ken nu anya ti Corporate Social Responsibility (CSR).
Maipalagip a ti nasao a forum ket tunggal tawen a mapaspasamak babaen iti panangidaulo ti SN Aboitiz Power para iti panaka-update dagiti community-based stakeholders maipapan iti operasyon ken inisyatiba ti nasao a kompanya.
