Maipalpalagip iti publiko ti Anti-Distracted Walking Ordinance iti siudad ti Baguio wenno ti saan a panagusar iti cellphone wenno anyaman a gadget bayat ti panagpagna kadagiti kalsada.
Daytoy ket kas maibasar iti Ordinance 49, series of 2019 nu sadino nakalanad ti panakaiparit ti panagusar iti mobile phones ken anyaman a “destructive devices ken items” bayat ti panagpagnada, panag-cross kadagiti sidewalks iti siudad ti Baguio.
Panggep ti Anti-Distracted Walking Ordinance a liklikan ti panaka-aksidente wenno panakabangga bayat ti panagdalyasatna iti nagduduma a kalsada wenno pagnaan iti siudad.
Malaksid iti dayta, daytoy ket tapno maliklikan ti matakawan gapu iti saan a panagipaay ti pokus kadagiti bukod a kagawaan.
Dagiti indibidual a matiliw nga aglabsing iti nasao nga ordinansa ket maipaayan iti pamagbaga iti umuna a gundaway bayat nga iti maika-dua a panaglabsing ket nasken a mangipaay dagitoy iti sangapulo nga aldaw a community service.
