Posible a makapasar iti dry condition ti Apayao ken 46 a dadduma pay a lugar iti pagilian iti panagdanon iti maudi a paset iti Nobiembre 2026 gapu iti El Niño iti tropical Pacific, sigun iti Philippine Atmospheric, Geophysical and Astronomical Services Administration (PAGASA).
Maibasar iti climate outlook iti PAGASA, ti “dry condition” ket maipapan iti 21% agingga 60% a panagbaba iti tudo iti uneg iti dua nga agsasaruno a bulan.
Karaman kadagiti maapektaran a lugar iti Northern Luzon ti Abra, Apayao, Benguet, Ifugao, Kalinga, Mountain Province, Ilocos Norte, Ilocos Sur, Isabela, Nueva Vizcaya, ken Quirino.
Kabayatanna, Camarines Sur laeng ti agdama a manamnama a makapasar iti dry spell, a nakaro ngem iti dry condition.
Sigun iti PAGASA, awan met ti manamnama a drought iti pagilian iti agdama a projections.
Naiparang iti report iti maysa a press conference para iti Typhoon and Flood Awareness Week, maibasar iti obserbasion iti tudo manipod idi Disiembre 2025 agingga Mayo 2026 ken forecast para iti Hunio agingga Nobiembre 2026.
Palagip iti PAGASA kadagiti LGU ken dagiti sektor a kas iti agrikultura nga agtultuloy nga agmonitor iti weather updates ken agsagana iti posible a panagbaliw iti pattern iti tudo kadagiti sumaruno a bulan.
