Kiniddaw ti Office of the Prosecutor and the Office of Public Counsel for Victims (OPCV) iti International Criminal Court (ICC) Appeals Chamber nga ibasurada ti apela ti kampo ni sigud a President Rodrigo Duterte a mangkuestion iti hurisdiksion ti ICC iti kasona.
Maibasar iti pleading a pinirmaan ni Deputy Prosecutor Mame Mandiaye Niang ti Office of the Prosecutor, ibasura ti ICC Appeals Chamber ti apela gaputa napaay ti kampo ni Duterte a mangpanenek nga adda ti biddut tapno maipaay ti reverse case.
Nakalanad pay a saan nga umiso ti grounds of appeal ti legal team ni Duterte ken rumbeng a maituloy ti panagdengngeg.
Sigun kenni Principal Counsel Paolina Massidda ti OPCV, nakalanad iti Article 127 (2) ti Rome Statue a ti pannagikkat ti Pilipinas manipud iti Rome Statue ket saan a manglapped iti ICC agsipudta nagrugi ti kaso bayat a miembro paylaeng ti Pilipinas iti ICC.
Maipalagip a kiniddaw ti legal team ni Duterte iti ICC a ma-reverse ti ruling gaputa awan ti jurisdiction ti ICC iti Pilipinas.
