Pangpanggepen ti National Irrigation Administration-Cordillera(NIA-CAR) a palawaen ti area iti contract farming iti bagas iti rehion inton umay a tawen.
Sigun kenni National Irrigation Administration-Cordillera(NIA-CAR) Regional Manager Engineer Benito Espique Jr., agarop 496 nga ektarya ti maar-aramat iti rice contract farming iti rehion partikular idiay Kalinga ken Apayao nu sadino, puntiryada a pagbalinen daytoy a 2,700 nga ektarya.
Sigun kenkuana, babaen iti daytoy ket ad-adda a mapaado ti mapataud a bagas a mailako iti Php29 tunggal kilo.
Kagiddan dayta,inlawlawagna a panggep ti nasao nga inisyatibo a makaipaay iti nalaklaka a bagas.
Malaksid iti dayta,paset pay daytoy ti panagregget ti gobyerno tapno mapasayaat ti agricultural productivity.
Maipalagip nga itay laeng nabiit ket naiyuswat ti panakailako iti Php29 tunggal kilo iti bagas idiay Wangal, La Trinidad nu sadino, dagiti bagas a nailako ket nagtaud iti immuna nga ani dagiti mannalon wenno dagiti miembro iti irrigators’ associations (IAs) a nakipaset iti contract farming.
