Impanamnama ti Armed Forces of the Philippines (AFP) ti sibubukel a kooperasyonda iti otoridad nu maaddaan ti opisyal nga imbestigasyon iti flood control scam.
Inlawlawag met laeng ti nasao nga ahensiya a saan a karaman iti militar dagiti maikonkonekta nga ex-Marines.
Sigun kenni Armed Forces of the Philippines (AFP) spokersperson Francel Margareth Padilla, nabayagen nga awan iti serbisyo dagiti sigud a suldado a maatap a nagserbi kas bagmen ni sigud a mammanday-linteg a ni Zaldy Co. Innayonna nga anyaman nga innaramid dagitoy ket innaramidda iti bukod da a private capacity.
Impetteng ti opisyal a saanen a paset ti AFP dagiti nasao nga indibidwal.
Innayonna a nakasagana dagitoy a makitinnulong iti panangimbestigar ti gobyerno seknan iti nasao nga isyu.
Maipalagip nga imbutakak ni sigud a Congressman Mike Defensor nga ada ti 18 a sigud a Marines ti nakasagana a tumestigo iti Ombudsman pabor iti immunan nga inwaragawag ni Master Sgt. Orly Regala Guteza seknan ti floodgate irregularities.
Karaman ni Atty. Levito Baligod, naituding a mangisumitir ti joint affidavit dagiti nasao nga ex-Marines tapno tumulong iti panagtuloy ti kaso. //BomboKCS
