--Ads--
Inlawlawag ti Armed Forces of the Philippines nga awan ti pangta iti panagraut sadiay Taiwan.
Daytoy ket kasaruno ti pammilin ni Chief of Staff General Romeo Brawner Jr., nga agsagana dagiti militar iti Pilipinas iti kanito a rauten ti China ti Taiwan.
Sigun iti Armed Forces of the Philippines ti statement ni Brawner ket saan a panangideklara iti heightened alert, ngem ketdi maysa daytoy nga addang tapno nakasagana ti Pilipinas iti aniaman nga insidente.
Mangipagpaganetget metlaeng daytoy iti Non-combatant Evacuation Operations (NEO) preparedness partikular iti panangipasigurado iti seguridad dagiti agarup 250,000 nga Overseas Filipino Workers (OFWs) sadiay Taiwan.
