Kidkiddawen ti Philippine Coalition for the International Criminal Court (PCICC) a maipaulog ti arrest warrant kontra kadagiti maatap a co-perpetrators ni sigud a president Rodrigo Duterte.
Daytoy ket kalpasan a nakompirmar dagiti kasao a crimes againts humanity kontra iti sigud a presidente.
Sigun iti human rights groups, saan laeng nga agpatingga iti maysa tao ti panagsumbat.
Gapu iti dayta, kidkidawenda ti pannakarestaR dagiti walo a nangangato nga opisial a maatap nga adda ti pakainaiganda iti pannakaipatungpal ti drug war.
Daytoy ket pakairamanan da Senator Ronald dela Rosa, Senator Bong Go, sigud a police chiefs Oscar Albayalde, Camilo Cascolan (deceased), Vicente Danao, sigud a National Bureau of Investigation director Dante Gierran, sigud a Philippine Drug Enforcement Agency chief Isidro Lapeña ken sigud a justice secretary Vitaliano Aguirre II.
Maipalagip a naidetalye ti maatap a pakainaiganda iti desisyon ti pre-trial chamber a naipatulog idi Huebes, April 23, 2026.
