Maisaksakad ita ti panagusar ti Artificial Intillegence (AI) kas maysa a wagas tapno ad-adda a sumayaat ken mas mapalag-an ti panagbiag ti tunggal indibidual.
Daytoy ket tapno mas magun-od pay ti moderno a masakbayan.
Iti panakiuman ti Bombo Radyo kenni Ken Lerona, Consulting Founder and Entrepreneur, imbinsa-insana dagiti pagsayaatan ti panagusar ti Artificial Intillegence.
Daytoy ket mabalin a makatulong iti aspeto ti salun-at, agrikultura, panakapridiktar iti kasasaad ti panawen ken dadduma pay.
Malaksid iti dayta, kangrunaan a panggep daytoy ket ti makatulong a mapalag-an dagiti trabaho ti tattao.
Inyunay-unay met ni Lerona a saan daytoy a mangitunda iti panakapukaw ti trabaho dagiti tattao gaputta tumulong laeng dagitoy.
Nu pay kasta, saan nga inlibak ni Lerona nga adda dagiti peggad a mabalin nga itunda ti nasao ng Artificial Intillegence ngem daytoy ket nakadepende iti aramid ti maysa nga indibidual.//Marielle Apat
