--Ads--
Imbinglay ni Department of Migrant Workers (DMW) Secretary Hans Leo Cacdac nga inadaptaren ti Association of Southeast Asian Nations (ASEAN) ti deklarasyon ti naurnos ken patas a recruitment dagiti migrant workers iti amin nga ASEAN state members.
Sigun kenni Cacdac, mapatta-patta a dumanon iti 600,000 a migrant workers iti amin nga ASEAN member states ti agbenepisyo iti nasao nga addang.
Inlawlawagna a agkinoordinar amin a member states tapno masigurado iti naurnos a recruitment practices kasta metten a masigurado ti kooperasyon iti kanito nga adda dagiti maipatungpal a rescue operation ken repatriation ti migrant workers.
Posible met a maiyemplementar ti nasao a deklarasyon iti umuna a paset ti 2027.
