Nagballaag ti Department of Migrant Workers (DMW) kadagiti negosyo nga addaan iti illegal nga aktibidad nangruna iti panangrecruit nga awanan iti kaskenan a dokumento wenno lisensya.
Sigun iti nasao nga ahensya, adu pay dagiti nakitada nga agipatpatungpal iti illegal recruitment.
Nupay kasta, inlawlawag ni Atty, Cheryl Daytec-Yangot, Regional Director ti DMW-CAR a nu idilig ti Rehiyon Cordillera iti sabali a lugar, nababbaba ti bilang iti Rehiyon Cordillera nu maipapan illegal recruitment.
Kabayatanna, kagiddan iti pannakasara dagiti tallo a negosyo pakairaman iti maysa a culinary school a konektado iti AUSPHIN Group itay nabiit, kinidaw ni Atty. Daytec-Yangot kadagiti naapektaran nga estudyante a bumisita dagitoy iti opisina ti DMW idiay Magsaysay Avenue tapno matulongan dagitoy.
Nagpallagip met daytoy iti publiko nangruna kadagiti addaan iti panggep nga agabroad nga agturong metlaeng iti DMW Office tapno agsaludsod ken icheck ti legitimacy dagiti recruitment agency.
Malaksid iti dayta, kinunana a para met kadagiti kayatda nga agtraining, makikoordinarda laeng iti nasao nga opisina para kadagiti mayanatup a training centers kas iti TESDA.
