BAGUIO CITY – Naminsan manen ket napaneknekan ti siudad ti Baguio ti panagdur-as daytoy iti sektor ti turismo.
Daytoy ket kalpasan a nagun-od ti siudad ti Clean Tourist City Standard 2020-2022 Award manipud Association of Southeast Asian Nations (ASEAN).
Sigun ken ni Councilor Elaine Sembrano, naipaay ti pammadayaw kas panangbigbig iti de-kalidad a turismo ditoy siudad.
Agserbi met laeng daytoy kas inspirasion iti Baguio City tapno karkaro pay a mapasayaat ti marketing competitiveness ken ti panagbiag dagiti residente.
Sagudayen pay ti pannakaipaay ti pammayadaw ti pannakaipreserba ti aglawlaw babaen iti panangrisot iti climate change.
Mismo a ni Councilor Sembrano ti nangawat iti award sadiay pagilian a Brunei.
Kadwa ti siudad ti Baguio a napadayawan ti siudad ti Iloilo ken ti San Carlos, Negros Occidental.
