Imbinglay ni Tourism Secretary Christina Garcia Frasco a naballigi ti panangsangaili ti Pilipinas iti tallo nga aldaw nga Association of Southeast Asian Nations Tourism Forum.
Naragsakan ni Frasco iti naawatna a positibo a feedback manipod kadagiti ASEAN Ministers a nakidar-ay iti nasao a forum kasta metten ti naannayas a panakaipatungpal dagiti aktibidad.
Sigun kenni Frasco, nagustwan dagiti delegado dagiti taraon a naidasar, naragsakanda iti hospitality ti Pilipinas, ken naapresiarda dagiti napipintas a buya ti pagpasyaran kasta metten dagiti dekalidad a pagdagusan.
Kagiddan dayta, pinagyamanan ti opisyal ti nasyunal a gobyerno ti Pilipinas partikular ti ASEAN Secretariat, ti ASEAN National Organizing Committee, ken ni First Lady Liza Araneta-Marcos para iti impaay dagitoy a suporta.
Maipalagip a kalpasan nga inawat ti Pilipinas ti chairmanship iti maika-25 nga ASEAN Summit,napili ti Cebu a pakaangayan ti ASEAN Tourism Forum nu sadino, karaman iti daytoy ti panakaiyuswat ti ASEAN Tourism Sectoral Plan para iti 2026 agingga 2030.
Saklawen daytoy ti cruise tourism, heritage and culture, gastronomy, health and wellness, ken ti nature and adventure.
