BAGUIO CITY – Kinumpirmar ti lokal a gobierno ti Kabayan, Benguet a nakastreken ti African Swine Fever (ASF) iti nasao a munisipio.
Iti interbyu ti Bombo Radyo ken ni Mayor Faustino Aquisan, kinunana a kalpasan ti laboratory test ket napaneknekan a positibo iti ASF ti dua a taraken a baboy sadiay Poblacion, Kabayan.
Kinunana a manarimaan ti imbestigasion tapno maduktalan ti rason ti nagtaudan ti virus ngem kinunana a posible a daytoy ket intunda ti pannakaiserrek dagiti karne ti baboy iti lugarda.
Sigun pay iti mayor, maipasidong koma iti culling ti 87 a baboy sadiay Kabayan ngem saan daytoy nga inpalubpos dagiti hog raisers.
Gapu iti daytoy, kiniddaw ni Aquisan ti panangipatungpal dagiti umili kadagiti kaskenan nga aksion tapno malapdan ti panagwaras ti ASF sadiay Kabayan.
Innayonna nga iti agdama ket maipawil ti pannakairuar dagiti karne ken sibibiag a baboy manipud sadiay Poblacion, Kabayan.
