Posible nga adda ni Atong Ang idiay Cambodia maibasar iti naawat nga impormasion ti DILG.
Sigun kenni Interior Secretary Jonvic Remulla babaen kenni Julie “Dondon” Patidongan, mapapati nga adda iti access ni Ang idiay Cambodia ken posible a nagdalan iti “backdoor,” a manarimaan nga imimbestigaranda iti agdama.
Kinuna pay ti opisial nga adda metlaeng ti naawatda nga impormasion a mapapati nga agop-operate ti online sabong ni Ang a nakabase idiay Cambodia ken sumagmamano pay a pagilian iti Southeast Asia.
Iti agdama, agtultuloy pay ti panangberipika ti impormasyon ken awan pay ti nalawag a senyales nu nakaruaren iti pagilian ni Ang, ngem nainget ti panagmonitor dagitoy iti posible a nagdalanan ken nagturungan daytoy.
Ni Ang ket sumangsango iti kidnapping with homicide ken serious illegal detention seknan paylaeng iti mapukpukaw a sabungero.
