Naitampok ti Cordilleran attire nga orihinal nga aramid ti Tapis and Baag.
Umuna a naiparang ti bado a maris nangisit, maikadua ti maris nalabbaga, maris green ken dadduma pay.
Ti Tapis and Baag ket kukua ni Ginalyn Brown-Tayag (CEO) , a tubo ti siudad ti Baguio.
Panggep ti Tapis and Baag nga agtultuloy nga itandudo ti “indigenous identity,” ken mapapigsa ti lokal a komunidad.
Naitampok iti Tapis and Baag Fashion Show ti inabel fabrics ken ti naisangsangayan a handwoven textile babaen kadagiti naglalaing a weavers.
Nakipaset iti programa ni Baguio Tourism Officer Alec Mapalo, kasta metten ti manager a ni John Philip Baysac ken assistant manager ti kadakkelan a mall iti siudad.
Ti nasao a programa ket paset ti 116th Charter Day a maselebraran inton bigat, Setyembre 1.//Bombo Benjo Guzman
