Binatikos ni Atty. Harry Roque ti kamara ken ni President Ferdinand Marcos Jr. kalpasan ti maysa nga aldaw a panakadetainna gapu iti panakaipaay iti contempt order kenkuana iti saanna a panakipaset iti umuna a hearing sadiay Pampanga idi napalabas a lawas.
Sigun kenni Roque, ti panakakulongna iti maysa nga aldaw ket mas nangpapigsa pay iti daytoy rason nga awan ti pagbutnganna a mangilaban iti pagilian kontra kenni President Ferdinand Marcos Jr.
Kinuna pay ni Roque a ti panakapadasna nga agiyan iti pagbaludan ket mangipaspasimudaag iti panggep ti agdama nga administrasyon nga ikkaten dagiti kaalyado dagiti Pilipino ken ti kaalyado ti Duterte.
Impeksana a ti laban iti agdama ket saanen a maipapan iti saan a panagkinaawatan ti Marcos ken Duterte nu diket laban iti nagbaetan ti dakes ken naimbag.
Iti sabali a bangir, binatikos ni Roque ti performance ni Marcos Jr. nu sadino impaganetgetna ti panakarikna ti kinarigat, ti panagngato dagiti gagatangen ken ti kinakurang ti trabaho.
Gapu iti dayta, kinunana nga awan ti maipaay ni Marcos Jr. a good governance rason a kasapulan ni Sara Duterte para iti kinapresidente.
Kabayatanna, kiddawna iti publiko ti panagturong ti publiko sadiay EDSA tunggal Biyernes para iti panakaipeksa ti interes dagiti Pilipino.
