Panggep ti Manila City Government nga ideklara ti Agosto a kwatro kas Carlos Yulo Day iti Metro Manila.
Sigun kenni Honey Lacuna, Mayor ti nasao a lugar panggep ti local a gobierno ti Metro Manila nga aprobaran daytoy intun Agosto a kinse iti agdama a tawen.
Napili ti Agosto a kwatro kas Carlos Yulo day, kas pananglagip ti aldaw a napangabakna iti kaunaan a mabalitok a medalya iti men’s gymnastics floor exercise.
Apaman a maaprobaran, agbalin a working holiday iti siudad ti Metro Manila ti nasao a petsa.
Kabayatanna, naituding a makaawat ni Yulo iti P2 Million manipud iti lokal a gobierno ti Metro Manila intun Agosto diese nuebe bayat a makaawat ti Tondo-born a ni EJ Obiena iti P500,000.
Sigun kenni Mayor Lacuna, mabalin a mangtignay iti dakkel nga investments iti sektor ti isports ti nagun-od da Yulo ken Obiena.
