Impakaammo ni Atty. Ferdinand Topacio ita nga aldaw, a kinuna ti kliyentena a ni Cassandra Li Ong, ti autorisado a pannakabagi ti na-raid a POGO hub sadiay Porac, Pampanga a kaykayatna laeng ti maibalud ngem ti maituloy ti imbestigasion iti Senado maipapan iti panaglibas ni dismissed Bamban Mayor Alice Guo.
Immapela ni Ong a saannan a kaya ken kinunana a maibalud laengen daytoy, no ti maibabain iti sangwanan ti minilyon a tattao.
Iti agdama, adda ni Ong iti pagagasan kalpasan a bimmaba ti blood pressure ken blood sugar level daytoy iti kaudian a hearing kadagiti House of Representatives.
Maipalagip a kiniddaw dagiti senador a palubosan ti Kamara a tumabuno ni Ong iti imbestigasionda, iti mapapati a panaglibas ni Guo idi napalabas a bulan.
Pinatgan daytoy dagiti uppat a House committees a nagtitinnulong a mangimbestigar kadagiti krimen a mainaig iti Philippine Offshore Gaming Operator (POGO).
