BAGUIO CITY – Matamtaming iti pagagasan ti maysa a balasang kalpasan a ginandatna ti agpakamatay iti uneg ti maysa a hotel ditoy siudad ti Baguio idi kalman.
Maibasar iti report, nag-check-in ti balasang iti nasao a hotel ken saan a rimrimuar manipud iti silidna iti uneg ti maysa nga .
Nupay kasta, idi rimwar ti babae ket nakita ti frontdesk officer nga adda ti sugat (laslas) iti ima ken tengged daytoy isut gapuna a dagusda nga inturong iti pagagasan.
Iti met follow-up investigation dagiti pulis, awan ti nakitada iti CCTV footage a kadwa ti balasang nga immuneg ken rimwar iti kuwarto daytoy.
Nasarakanda metlaeng iti kuwarto ti babae, partikular iti uneg ti kabinet ken uneg ti comfort room dagiti blades a maatap nga inaramat ti babai a nangdangdangran iti bukodna a bagi.
Kabayatanna, iti agdama ket saan pay nga ammo dagiti pulis ti pakabigbigan ti nasao a babae gaputa saan pay laeng daytoy a makapagsarita ken makapagsurat.
