Ammo yo kadi kaBombo a nabaelan ti maysa a babae a nangsabidong iti katrabahona gapu laeng iti pannakaipromote daytoy?
Maibasar iti imbestigasyon mapapati a kinargaan ti maysa a 38-anyos a brazilian ti water bottle ti katrabahuanna gaputa a patienna a saan a patas ti pannakaipromote daytoy.
Ti nasakit iti daytoy, mismo pay gayam a barkadana ti babae a sinabidunganna.
Sigun kadagiti police, sinumrek ti nasao a suspek ti exclusive management area ti kompanya a pagtatrabahuanda tapno agala kadagiti chemical products nga isu’t inaramatna.
Gapu iti dayta, kalpasan nga ininum ti biktima ti danum iti nasao a water bottle ket nakarikna iti pannakaulaw rason a dagus a naitaray daytoy iti ospital.
Nupay kasta pimmusay metlaeng daytoy ken ditoy a naduktalan a ti ininumna a danum ket addaan iti solvent.
Iti agdama,naarestar ti nasao a babae kalpasan iti naan-anay nga imbestigasyon rason a sumangsango daytoy iti kaso nga aggravated homicide ken dadduma pay.
