BAGUIO CITY – Pimmusay ti maysa a babae kalpasan a sinagid ti lugan sadiay Loakan Proper, Baguio City idi kalman.
Nabigbig daytoy a ni Rosalia Lucas De Jesus, 51 anyos, awanan asawa ken residente ti Bubon, Loakan Proper bayat a nabigbig ti nangbiktima kenkuana a ni Donna Jane Discipulo, 33-anyos, supervisor/call center agent ken residente ti Camp 7, Baguio City.
Maibasar iti blotter ti pulisya, manarimaan ti pannagna ti biktima idi killaat a sinagid daytoy ti kotse nga imanmaneho ni Discipulo a nangitunda iti panagsagrap daytoy iti dunor iti nagduduma a paset ti bagina.
Intaray ti driver ken ti dua a testigo ti nasao a biktima iti pagagasan ngem naideklara a pimmusay.
Naiturong ti driver iti Traffic Management Unit ti Baguio City Police Office ngem awan ti panggep ti pamilya ti biktima a mangipila iti kaskenan a kaso nupay tumulong ti suspek iti gastos dagitoy
