--Ads--
BAGUIO CITY – Pimmusay ti maysa a babae kalpasan a natnag iti pagdaldalusanna a kabite sadiay North Sanitary Camp Barangay, siudad ti Baguio idi kalman.
Nabigbig daytoy a ni Marjorie Carme, 59-anyos, maysa a balo ken residente iti nasao a barangay.
Sigun kenni PCI Gil Imado, dadaulo ti Baguio City Police Office – Station 2, manarimaan ti panagdaldalos ti babae iti kabite iti asideg ti balay daytoy idi killaat a natnag iti waig.
Kinunana a bassit ti danum iti nasao a waig ngem posible a nagsagrap ti biktima iti dunor iti uneg ti bagi daytoy.
Iti agdama ket padpadaanan pay laeng ti pulisya ti desisyon ti pamilya no kayat dagitoy a maipasidong iti otopsiya ti bangkay.
