Naireklamo ti maysa a babai nga agnanaed iti Baguio City iti istasyon ti pulisya gapu iti panangisawangna iti nagkakadakes a pannarita kontra iti katrabuanna babaen iti online ken iti personal.
Ti nagreklamo ket agtawen ti 23, marketing internal and leasing assistant iti maysa a business establishment iti siudad, ken residente idiay Lower Dagsian, Baguio City.
Maibasar iti police report, nangipila ti complainant ti reklamo a harrassment, nagkakasakit a pannarita, ken pannakaibabainna iti social media.
Sigun kenkuana, maysa kadagiti katrabahuanna, a residente ti Barangay Irisan, ti nangipablaak kadagiti nagkakadakes a pannarita iti social media kontra iti complainant, nga isut nakasair ti riknana.
Saan laeng nga online ti pannakaibabain ti complainant gaputa itay laeng nabiit, inuyaw ti mairekreklamo ti pisikalna.
Iti agdama, nai-refer ti kaso iti Barangay Irisan, Baguio City.//Gen
