NEW ZEALAND – Nawaswas ti nasurok innem a tawen a relasyon ti aggayyem a New Zealander gapu laeng iti saan a panagtungpal ti lalaki iti katulaganda.
Daytoy ket kalpasan a nangipila ti babai ti reklamo kontra iti nobyona gapu iti saanna a panangitulod kenkuana iti airport.
Gapu iti dayta, nabati ti babai iti flightna nga agturong kuma iti maysa a concert kadwana dagiti papagayamna.
Inakusaran ti babai ti nobyona gapu iti panaglabsingna iti “verbal contract” dagitoy gapu ta immuna nga immanamong daytoy iti katulagan da pakairamanan ti panangbantay iti balay ket dingwen nga aso daytoy.
Iti panakaitantan ti biyahe daytoy, kinasapulanna nga agbayad ti kanayonan a fee para iti panagbyahena.
Panggep met ti babai nga ipabayad amin dagiti gastosna iti lalaki.
Nupay kasta, kalpasan ti nalaing a panakaadal ti reklamo, naibasura metlaeng daytoy gapu ta patien ti tribunal a normal laeng ti give and take iti maysa a relasyon.
