Opisyal a nailukat iti Baguio Christmas Market iti Rose Garden, Burnham Park, Baguio City itay laeng, Disyembre 5, 2025.
Ti Baguio Christmas Market ket ti maikatlo a kangrunaan a highlight ti ‘An Enchanting Baguio Christmas 2025.
Dumanon met iti nasurok 20 a nagduduma a sizes ti challets ti naipasdek iti daytoy.
Daytoy ket mailukat iti oras ti 10 iti agsapa agingga 10 iti rabii tunggal weekdays bayat a mabalin met nga agoperate daytoy iti agingga 12 iti parbangon tunggal weekends.
Sigun kenni City Tourism Officer Engr. Alec Mapalo European theme ti napilida agsipud ta babaen iti European accreditation ket mas ad-adda a maitandudo ti siudad ti Baguio wenno agbalin daytoy kas international list wenno karaman iti prestihyoso a Christmas Market iti intero a lubong.
Daytoy ket nangruna ta adda dagiti maor-organisar nga international tours no sadino ket dagitoy ket mabalin nga agtour kadagiti amin nga adda iti listaan ti nasao nga organisasyon.
Malaksid iti dayta, mangitunda pay daytoy iti ad-adu pay nga international visits.
Agpalpalagip met daytoy kadagiti turista iti panagturung dagitoy ti nagduduma a Christmas village wenno toursit area kas iti Christmas market nga agannad nangruna ket adda latta dagiti mapaspasamak a pickpocketing, scams ken dadduma pay.//Bombo Noveh Organo
