--Ads--
BAGUIO CITY–Immapela manen ni Baguio City Mayor Mauricio Domogan kadagiti oil retailers ditoy lokalidad para iti panangikonsidera dagitoy iti pannakaipangato ti presio dagiti produkto a petrolio.
Kinunana a nasken a kitaen dagiti retailers ti sitwasion iti siudad tapno saan unay a nangato ti ngumatuan ti presio dagiti petroleum products.
Inaklon ti mayor nga awan ti linteg a mabalin a mangipawil iti pannakaipangato ti presio dagiti nasao a produkto.
Nupay kasta, kinunana a kangrunaan a maap-apektaran dagiti ordinario nga umili gapu iti agtultuloy a panagngato ti presio dagiti produkto a petrolio.
Mangnamnama ni Mayor Domogan a makaipasa ti Kongreso iti linteg a mang-regulate iti pannakaipangato ti presio dagiti produkto a petrolio.
