Impakaammo ni Baguio City Mayor Benjamin Magalong a nakasaganan dagiti departamento ti siudad para iti grand finale ti 2026 Metro Pacific Tollways Corporation(MPTC) Tour of Luzon ita nga aldaw.
Ti tema ti nasao nge event ita a tawen ket “A Heritage in Motion.”
Sigun kenni Mayor Magalong, nakasaganan dagiti mangasikaso iti traffic management, public safety, medical response, ken crowd control.
Agserbi gamin kas host ti siuadad para iti grand finale ti nasao nga event no sadino manamnama ti agarup 70 nga elite cyclist a participants.
Mangrugi dagiti participants idiay Lingayen, Pangasinan pasang-at iti siudad ti Baguio iti alas-nuebe ti agsapa ita nga aldaw.
Naituding a palpasenda ti Lingayen to Baguio City a ruta para iti grand finale
Immunan nga impakammo ti Department of Public Works and Highways- Cordillers (DPWH-Cordilllera) ti temporaryo a pannakaisara ti Kennon Road manipud 11:00 ti agsapa agingga alas-dos ti malem ita nga aldaw para iti grand finale ti 2026 Metro Pacific Tollways Corporation(MPTC) Tour.
Isingsingasing ti nasao nga ahensya dagiti dadduma a ruta kas idiay Marcos Highway ken Asin-Nangalisan Road.
Manamnama a sumangpet dagiti participants iti siudad ti Baguio iti 12:00 agingga alas-dos ti malem ita nga aldaw.
Mainaig iti dayta, naideploy ti 35 a personnel ti Baguio City Police Office (BCPO) pakairamanan ti 18 manipud Traffic Enforcement Unit para iti nasao nga event.
Maideploy metlaeng ti 27 a Philippine National Police (PNP) personnel ken 22 barangay public safety officers manipud Tuba tapno mangasistar iti nasao nga event.
Ti Tour of Luzon ti agtaltalinaed kas maysa kadagiti kaunaan ken kalalatakan a cycling competitions iti Asya. //bombokaren.c.s
