BAGUIO CITY – Umabot sa 1,586,890 ang tourist arrivals sa Cordillera Administrative Region (CAR) noong nakaraang taon, kung saan 72.92 porsiyento o halos tatlo sa bawat apat na turista ay bumisita sa Baguio City, ayon sa Department of Tourism (DoT)-Cordillera.
Sinabi ni DoT-Cordillera Regional Director Jovita Ganongan na nakalikha ang rehiyon ng mahigit ₱8 bilyon na kita mula sa turismo dahil sa tuloy-tuloy na promotional campaigns at paglahok sa international tourism events.
Binigyang-diin din niya ang pagpapalawak ng tourism offerings tulad ng ecotourism, cultural heritage, at gastronomy, gayundin ang pagpapahusay ng imprastraktura, kabilang ang mahigit 223 kilometro ng tourism roads at rehabilitasyon ng Burnham Park.
Hinikayat din ni Ganongan ang mga tourism stakeholder na bumuo ng multi-destination tour packages, itaguyod ang lokal na kultura at pagkain, at isulong ang sustainable tourism.
