Pinaneknekan manen iti siudad ti Baguio ti kinalaing daytoy ken suportana kas host iti International Conference on Local Equitable and Inclusive Resilience 2026, a naisayangkat iti tallo nga aldaw itay kallabes.
Pinaset daytoy dagiti delegado, eksperto, ken lokal a lider manipod iti nagduduma a pagilian tapno pagsaritaan ti panangpapigsa iti kabaelan dagiti komunidad iti panagsango ken panagbangon manipod iti karit iti klima, kagimongan, ken pagsayaatan iti lugar.
Iti closing remarks, impaganetget ni Atty. Leticia Clemente ti agtultuloy a karit iti Baguio iti sustainable, patas, ken natibker nga urban development.
Kas kameng iti Conference on Local Equitable and Inclusive Resilience manipod pay idi tawen 1997, agtultuloy ti panangitandudo iti siudad iti inclusive governance ken panagtitinnulong para kadagiti lokal a solusion a mangrisut kadagiti sangalubongan a karit.
Impaganetgetna metlaeng ti kinapateg ti agkaykaysa a panagtignay, panangibinglay ti pannakaamo ken natibker a liderato tapno makabukel dagiti komunidad a nakasaganan iti masangwanan ken awan ti mabati.
