Naipasidong iti seminar dagiti personnel manipud kadagiti nagduduma a units ti Baguio City Police Office Patrollers seknan iti panangaywan kadagiti tourism sites iti siudad ti Baguio.
Iti panakiuman ti Bombo Radyo kenni PMaj. Leiza Batanes, Chief ti tourist police unit, kinunana a naipatungpal ti seminar a “Protection of Tourism Sites in Baguio” kadagiti kadwada ti serbisyo, saan laeng a dagiti adda iti unit ti Tourist Pulis gapu ta maysa dagitoy a frontliners.
Sigun kenkuana, kasapulan metlaeng a maipasidong iti training dagiti kaduada iti serbisyo tapno maamuan pay dagitoy dagiti kanayunan a tulong a maipaay kadagiti agturturong iti nagduduma a pagpasyaran iti siudad.
Maal-allukoy pay dagitoy nga agbalin a naridam ken alerto dagitoy tapno maliklikan ti krimen kadagiti pagpasyaran.
Gapu iti dayta, babaen iti presensya dagiti pulis, marikna dagiti turista ti natalged a kasasaadda bayat ti panagpasyar dagitoy.
Mabalbalakadan met ti publiko a dagus nga agawag iti 911 iti panawen iti emerhensya wenno iti panawen nga agkasapulan iti tulong.
Kabayatanna, kadawyan met nga as-asistaran dagitoy nga insidente kadagiti parke ket dagiti maigalgalis a turista kasta metten dagiti minor nga aksidente.//Bombo Noveh Organo
