Balligi a naipatungpal ti Baguio Fluvial Parade ita nga aldaw idiay Burnham Lake,Baguio City a pinasetan dagiti bangka a naarkusan kadagiti namamaris a sabsabong.
Karaman kadagiti entries ti Lion’s Head iti Anthony’s Boat, ti City Hall iti Golden Seahorse Boat, ti Cathedral iti Yellow Boat, ti Wright park ken ti Botanical Garden iti Swan Boat, ti Mines View iti Mermaid Boats, ti Bell Church iti Ogena Boats, ken ti Banaue Rice Terraces iti Boboy’s Boat Rental.
Kadagiti amin a nagbabalubal a bangka, nangabak ti Botanical Garden iti Swan Boat a makaawat iti premyo a P20,000, sarunwen met ti City Hall iti Golden Seahorse Boat a maipaayan iti P15,000 a premyo, bayat a nagun-od met ti Lions’s Head iti Anthony’s Boat ti maikatlo a pwesto a makaawat iti premyo a P10,000.
Ti Baguio Fluvial Parade ket maipatpatungpal a paset iti Baguio Flower Festival.
Immuna metten a naipakaammo nga adda dagiti kameng iti Philippine Navy Reserve a nadutukan a mangsigurado iti kinatalged dagiti partisipante iti nasao a fluvial parade.//Bombo Newsteam
